Skip to main content
Navigation

UP Diliman Arts and Culture Festival 2023


Ang konsepto ng KALOOB na maaaring mangahulugan ng “handog, ambag, regalo, alay, donasyon, pamana, alaala” ay nagbibigay-diin sa pakikipag-ugnayan ng mga Pilipino sa pamamagitan ng diwa ng pagbibigayan at  pakikipagkapwa. Nabibigkis ang isang pamayanan at bayan sa pamamagitan ng mga gawain na nagpapahalaga sa kalooban ng bawat miyembro nito kung kaya’t ang mga likhang sining na naka-ugat sa karanasan ng bayan ay dapat pagyamanin. Dahil dito, ang konsepto ng “loob” ay masusing pinag-aaralan sa mga larangan ng sining at kultura, partikular sa mga disiplina ng Humanidades at Agham Panlipunan.

Ang tema at adhikain ng UPD Arts and Culture Festival 2023 ay nagnanais magbigay-pugay sa mga tagumpay na natamo ng mga artista-iskolar-manlilikha ng bayan na nagpapamalas ng masusing pag-unawa sa kondisyon ng tao, partikular sa karanasang Pilipino. Sa gitna ng pandemya, mga problemang pangkalikasan, panlipunan, pangkabuhayan, at politikal, kasama na ang pagpigil sa karapatan ng malayang pagpapahayag sa isang demokratikong bansa, ang mga artista-iskolar-manlilikha ay patuloy na lumilikha ng sining na nagmumula at patungo sa bayan.



Ang KALOOB Festival ay pagkakataon na bigyan ng karampatang halaga ang sining at kultura sa pagpapayabong ng kamalayang makatao, sa mga pamamaraang malikhain taglay ang perspektibong kritikal na siyang sandigan ng liberal na edukasyon ng Pamantasan. Ito rin ay handog ng UP Diliman para sa pagdiriwang ng Buwan ng Sining tuwing Pebrero, batay sa Proklamasyon Bilang 683 noong 1991.

I-download ang UP Diliman Arts and Culture Festival 2023 Brochure para sa iba pang detalye.

OMNIBUS PROGRAM



Kabilin: Paglulunsad ng UP Diliman Culture Bearers-in-Residence Program
Duyan Ka ng Magiting: Pagpupugay sa mga Bagong Hirang na Pambansang Alagad ng Sining mula sa UP Diliman
Kaloob-Sining Biswal: Mga Likha ng mga Artista-Iskolar ng UP Diliman
Kaloob-Saliksik: Bahaginan ng mga Artista-Iskolar ng UP Diliman
LIKHANG PEYUPS: UP Symphony Orchestra (UPSO) Concert
Himigsikan 2023
Kaloob-Tanghal ng mga Artista-Iskolar ng UP Diliman


IBA PANG INISYATIBA SA ILALIM NG “UP DILIMAN ARTS AND CULTURE GRANTS”

Ang mga inisyatiba ay magmumula sa mga organisasyong pang mag-aaral at mga yunit sa UP Diliman na lilikha ng mga proyekto na tutugon sa tema ng UPD ACF 2023 at gaganapin mula 6 Pebrero hanggang 31 Marso 2023.

UP College of Fine Arts—Limbag at Likhang-Kamay: Papel ng Kababaihang Manlilikha sa Pamumulat
UP Artists’ Circle Fraternity—Mga Awit ng Ating Panahon
UP Department of Linguistics—The 3rd Consuelo J. Paz Lecture
UP Asian Institute of Tourism—Utom Ne Lingon Tboli: Rhythm of Musical Instruments, Songs, and Chants
UP Department of History—SineKas: Screening of “The Restless Heron” (2023) directed by Alan Filoteo
UP Composers of New Music—Mga Alaala at Aral mula at para sa Bayan
TriCollege PhD Philippine Studies Program—PAKARADYAAN: WOMEN WEAVING MËRANAW CULTURE
Sa pagsasara ng ating Arts and Culture Festival ngayong taon, may kaloob na liham ang ating mga artista-iskolar para sa mga kapwa artista at aspiring creative content creators. Ito ay words of encouragement and affirmation na magpatuloy lang sa paglubog sa mga komunidad at sa paglikha ng sining na mula at tungo sa bayan.

GO TO PAGE


Join na sa ✨ Kilalanin Game ✨ aka I Can See Your Work 👀 isang online pa-game upang pagpugayan ang ilan sa mga lumilikha ng sining mula at tungo sa bayan. Ang mga legit na creative content creator! 👩🏽‍🎨

Halina’t makilahok para sa pagkakataong manalo ng librong “Forming Lineage: The National Artists for the Visual Arts of the University of the Philippines” (2008)!

GO TO PAGE



Sa letrang B!

B-ready na manalo ng exciting prizes sa KALOOBINGO sa UPD Arts and Culture Fest 2023!

Basahin nang mabuti ang mechanics! Accomplish at least 4 out of 6 tasks at ipa-stamp ito sa mga main event ng UPD Arts and Culture Festival 2023 (Duyan Ka ng Magiting, opening program ng Kaloob-Sining Biswal, LIKHANG PEYUPS, at Himigsikan)!

Papunta na tayo sa exciting part!

LEARN MORE




« UPD Arts & Culture Festival 2022


PAKARADYAAN: WOMEN WEAVING MËRANAW CULTURE

Opening Ceremony: 28 Marso 2023 (Martes), 9AM-12NN
Exhibit: 28 Marso - 1 Abril 2023 (Martes-Sabado)
GT Toyota, Asian Center, UP Diliman

Conference: 29 Marso 2023 (Miyerkules), 9AM-12NN
Room PH 207, Palma Hall, CSSP

Register here

Watch the Opening Program


The UP Diliman TriCollege PhD Philippine Studies Program is organizing “PAKARADYAAN: Women Weaving Mëranaw Culture,” a conference and exhibit on Mëranaw  culture from March 28 to April 1, 2023 in celebration of the  National Women’s Month.

The event will highlight lectures by distinguished Mëranaw and other scholars on March 28 and 29, while  Cultural performances will include traditional Mëranaw dances, an exhibit of authentic Mëranaw clothing and other cultural items, and actual weaving demonstrations by the Arkat Lawanen Women Empowerment Producers Cooperative.  This group of women weavers was organizedin  their effort to rise from the ashes of the 2017 Marawi siege.

The TriCollege PhD Philippine Studies Program seeks to strengthen its Mindanao studies component in order to broaden the critical study of Philippine societies, cultures and identities and advance its teaching and public service.  It is handled by the UP Diliman College of Social Sciences and Philosophy (CSSP), the College of Arts and Letters (CAL), and the Asian Center (AC).


Mga Alaala at Aral mula at para sa Bayan

27 Marso 2023 (Lunes)
UP College of Music YouTube Channel and UP Conemus Facebook Page

Watch Here (Facebook)

Watch Here (YouTube)


Ang proyektong ito ay koleksyon ng mga piyesa na isinulat ng ilang miyembro ng UP Composers of New Music (UP Conemus), sa gabay at patnubay ng mga propesor ng Department of Composition and Theory UP College of Music, bilang tugon sa mga masalimuot na karanasan, gayundin ang muling pagbangon hinggil sa iba’t ibang aspeto tulad ng pangkalikasan, panlipunan, at politikal. Ang mga piyesa ay sumasalamin sa mga pinagdaanan ng Bayan na tao rin ang gumawa at nagdusa. Gayunpaman, ang bawat problema ay may solusyon kung ito ay pagtutulungan at pagsisikapang baguhin. Ang mga komposisyong ito ang magsisilbing paalala at aral sa mga mamamayan upang maiwasan na maulit at maituwid ang mga pagkakamali tungo sa mas mapayapa at maunlad na Bayan. Hindi imposible ang pinapangarap na pagbabago at mapayapang pamumuhay para sa lahat kung ang pagmamahal sa Bayan ang lagi’t laging nangingibabaw.


SineKas: Screening of “The Restless Heron” (2023) directed by Alan Filoteo

24 Marso 2023 (Biyernes) | 4-6PM
via Zoom by the National Historical Commission of the Philippines (NHCP)

Watch the trailer here


Undoubtedly, there is a need to reassess the narratives of our nation’s history by tapping the wealth of local histories and oral testimonies that have been documented and/or written in the last five decades. It is in this context and perspective that this film showing initiative dubbed SineKas organized by the UP Department of History aims to contribute to providing a glimpse of the past of a sultanate in Cotabato from the lens of a filmmaker who aspires to share the stories of his home province and a group of local historians who wrote the script of the film based on examination and utilization of documents and interview accounts. The film titled "The Restless Heron" examines key events in the late 1800s and early 1900s that saw the emergence of Talik as an independent polity after its separation from the Sultanate of Buayan in Southern Mindanao (Cotabato).

The death of Sultan Ngelen, the patriarch of the royal house in Talik, paves the way for his son to inherit the throne. The new sultan maintains peace in his territory but later struggles to end an occupation of Talik led by his relative, Datu Ali, the Rajah Muda of Buayan. He demands the withdrawal of Datu Ali and his forces in Talik but to no avail. This leads to an irreconcilable situation wherein the contending sides decided to solve the matter by war.

The film is significant for a multitude of reasons. It privileges a narrative to discuss the historical value of the “othered” sultanate in Cotabato. It attempts to forge creative partnerships between and among film practitioners, local historians, and heritage advocates at the local level. It also celebrates unity in diversity in Mindanao by way of having scions of Christian families who migrated to South Cotabato as the ones behind the production of a film to tell a story about Muslim sultanates in a time of transition from one colonizer to another.


Utom Ne Lingon Tboli: Rhythm of Musical Instruments, Songs, and Chants

20 Marso 2023 (Lunes) | 9AM
UP Asian Institute of Tourism Lounge

Watch here


Ang palihang Utom ne Lingon Tboli: Rhythm of Musical Instruments, Songs, and Chants ay handog ng UP Asian Institute of Tourism, katuwang ang UP Diliman OICA bilang pakikiisa sa pagdiriwang ng UP Diliman Arts and Culture Festival 2023. Makiawit at indak kasabay si T'boli Master Chanter Rosie Sula sa Marso 20, 2023 sa Linangan ng Turismo sa Asya.

I-scan ang kalakip na QR code para magpatala at tumutok sa UPAIT Facebook page para sa iba pang detalye.


The 3rd Consuelo J. Paz Lecture: “Postscript to Wars of Extinction: Lumad Identity and Struggle”

17 Marso 2023 (Biyernes) | 2-4PM
Palma Hall 2nd Floor Lobby and Online

Watch here


The third installment of The Consuelo J. Paz Lectures features Prof. Arnold Alamon of Mindanao State University—Iligan Institute of Technology. His lecture titled, "Postscript to Wars of Extinction: Lumad Identity and Struggle," will trace various opposing discourses that have spawned to contest the meaning of the concept of "Lumad." The 3rd Paz Lecture will be held on 17 March 2023, 2:00 p.m., at the Palma Hall 2nd Floor Lobby. It will also be livestreamed through the official Facebook page and YouTube channel of the UP Department of Linguistics.


Mga Awit ng Ating Panahon


3 Marso 2023 (Biyernes) | 7-10PM
University Hotel, UP Diliman


Inihahandog ng U.P. Artists’ Circle Fraternity, U.P. Workers’ Alliance, at All UP Academic Employees Union-Diliman Chapter, sa pakikipagtulungan sa OICA-UP Diliman, ang “Mga Awit ng Ating Panahon” – isang gabi ng makabuluhang talakayan at progresibong tugtugan tampok ang MusikangBayan!

Ang konsiyertong ito ay bahagi ng UP Diliman Arts and Culture Festival 2023. Tampok sa Marso 3, Biyernes, 7-10 ng gabi, ang mga awiting tumatalakay sa mga isyung ating kinakaharap. Ang mga awit ng MusikangBayan ay, sa nakalipas na 20 taon, nabuo sa malalimang pag-unawa sa mga araw-araw na karanasan ng ating mga kababayan at paano kakaharapin ang mga panlipunang suliranin. Inaanyayahan ang lahat ng mga napakikinig na ibahagi ang mga himig, aral at inspirasyong hatid ng MusikangBayan sa mga komunidad sa kalunsuran man o sa kanayunan.


Limbag at Likhang-Kamay: Papel ng Kababaihang Manlilikha sa Pamumulat

3-31 Marso 2023
College of Fine Arts


The public is invited to “Anong Papel Mo? Mga Kwento ng Pagmulat at Pagyabong”, an Artist Talk on March 3 (Friday), from 1:00 – 4:00 p.m. at the UP Fine Arts Gallery Multipurpose Hall.

The talk launches “Limbag at Likhang Kamay: Papel ng Kababaihang Manlilikha sa Pagmumulat”, a discussion and workshop project that explores how women artists wielded paper, among the most fragile of materials, towards pamumulat: connecting the personal and the political through the written page, painting, and printmaking, writ large.

The talk highlights the contributions of UP’s women artist-scholars to cultural work and art practice. It features a panel of distinguished art practitioners: director and scriptwriter Bibeth Orteza, conservation expert and visual artist June Dalisay, and printmaker and educator Ambie Abaño. It will be co-moderated by Annie Pacaña and Lisa Ito. Please register for the event at https://bit.ly/AnongPapelMo. 

The second part will be art workshops on and children’s book production, printmaking, and giant poster painting to be facilitated by the artists. Interested participants may sign up for limited slots in one-day free art workshops, from 8:30 a.m. to 5:00 p.m, via limbagatlikhangkamay@gmail.com.

Participants will experience hands-on production of these art forms and hear stories of how these were used to express personal to collective struggles. The workshops are:

  • Basic Woodcut with Color Enhancement Techniques with Ambie Abaño (March 10)
  • Writing and Illustrating for Children’s Books with Annie Pacaña (March 25)
  • Memory Project: Making the NPAA’s Giant Poster with June Poticar-Dalisay (March 27)

The project threads the UP Diliman Arts and Culture Festival 2023’s theme of “KALOOB mula at tungo sa Bayan: Artista-Iskolar-Manlilikha” with International Women’s Day 2023 on March 8, 2023 and National Women’s Month in March. It is a pilot project of the UP College of Fine Arts, through its Gender and Development (GAD) Committee in cooperation with the UP Diliman Office for Initiatives in Culture and the Arts (OICA), UP Fine Arts Gallery, and the Concerned Artists of the Philippines (CAP).


Himigsikan 2023
Kaloob-Tanghal ng mga Artista-Iskolar ng UP Diliman

17 Marso 2023 (Biyernes) | 5PM
Acacia Courtyard, UP Town Center

View Photo Album


Bilang kaloob o ambag ng mga iskolar ng PASP (2017-2022), isang Open Mic na magtatanghal ng musika at iba pang porma ng pagtatanghal ang isasagawa sa Palma Hall Steps. Layunin ng Open Mic na maipamalas ang talento ng mga bagong artista-iskolar ng UP Diliman sa publiko at magsilbing okasyon ng pagbibigkis ng komunidad ng UP Diliman.

Ang proyekto ay ioorganisa ni Bb. Christel Manalo, OICA Event Coordinator, sa pakikipagtulungan ng Kolehiyo ng Agham Panlipunan at Pilosopiya.


LIKHANG PEYUPS: UP Symphony Orchestra (UPSO) Concert

10 Marso 2023 (Biyernes) | 6PM
University Theater, UP Diliman


Binibigyang pugay ng konsyertong LIKHANG PEYUPS ang mga likha ng mga kompositor na mula sa Unibersidad ng Pilipinas. Mapakikinggan ang mga pyesa ng mga kapitapitagang kompositor na kinikilala sa buong mundo—sina Pambansang Alagad ng Sining sa Musika Ramon P. Santos at Propesor Emeritus Chino Toledo—at ng mga nagsipagtapos kamakailan sa Unibersidad na nagwagi ng mga karangalan tulad ni G. Jonathan Domingo. Binabagtas ang tema ng Kaloob Festival 2023, isang pagsaludo ang konsyerto sa iba’t ibang musika na nabuo mula sa loob ng ating komunidad. Magaganap ito sa 10 Marso 2023, 6 n.g., sa University Theater.

Poster by Nel Crisostomo

Kaloob-Saliksik: Bahaginan ng mga Artista-Iskolar ng UP Diliman

8 Marso 2023 (Miyerkules) | 8:30AM-4:30PM
Zoom at Facebook/YouTube

Panels & Abstracts

Book of Abstracts

WATCH HERE

YouTube

Facebook - AM Session

Facebook - PM Session


Bilang kaloob o ambag ng mga iskolar ng CCTGACH, PASP, at VACSSP (2017-2022) mula sa larangan ng Humanidades, Agham Panlipunan, Sining Biswal, at Musika, ang online kolokyum ay naglalayong maibahagi ang kanilang mga pag-aaral ukol sa sining, lipunan, at sangkatauhan; at makapagbukas ng espasyo para sa mas malalimang talakayan ukol dito. Magkakaroon ng apat na panel session na nakaangkla sa mga sumusunod na tema:

1. Performance, mga Tradisyon, at mga Adbokasiya

2. Pagka-Pilipino: Konsepto at mga Isyu

3. Dinamika ng Pagsasalin

4. Sining at Espasyo

Bilang katuwang ng online kolokyum, maglalabas rin ng digital na book of abstracts ng mga papel ng mga kalahok na iskolar.

Ang proyekto ay pamumunuan ni G. Mark Louie Lugue ng Departamento ng Aralin sa Sining, at Bb. Frances Bacosa ng OICA, Program Coordinator ng PASP at VACSSP.

Poster by Nicole Noelle Tosoc

Kaloob-Sining Biswal: Mga Likha ng mga Artista-Iskolar ng UP Diliman

Eksibit, 28 Pebrero - 17 Marso 2023
Programa ng Pagbubukas, 28 Pebrero 2023 (Martes) | 3PM | Palma Hall Lobby

See the Online Exhibition

View Photo Album


Bilang kaloob o ambag ng mga iskolar ng CCTGACH at VACSSP, isang pisikal at online na eksibisyon ng sining biswal ang itatanghal upang maipamalas ang kanilang mga pananaw ukol sa sining, lipunan, at sangkalibutan. Iimbitahan ang mahigit sa 180 na VACCSP iskolar mula akademikong taon 2017 hanggang sa kasalukuyan na lumahok sa eksibisyon. Mayroong 23 likhang sining na isasama sa pisikal na eksibisyon sa Palma Hall Lobby, habang ang lahat ng nais lumahok ay maaaring makasama sa online na eksibisyon. Bilang pagkilala sa lawak ng posibilidad ng paglikha at ekspresyon, iba’t ibang uri ng sining biswal ang itatanghal sa pisikal na eksibisyon, tulad ng painting, sculpture, installation, photography, digital art, mixed media art, at video art. Ang online na eksibisyon naman ay pinaplanong nasa porma ng isang digital na katalog na magtatampok ng ilan sa kanilang mga likhang sining. Makatutulong ang eksibisyon-publikasyon na ito sa mga artista-iskolar lalo na sa simula ng kanilang artistic career.


Ang eksibisyon ay inorganisa ng UPD-OICA at Bulwagan ng Dangal University Heritage Museum, sa pamumuno ni Dr. Cecilia S. De La Paz, sa pakikipagtulungan ng Kolehiyo ng Agham Panlipunan at Pilosopiya.

Poster by Bea Espino

Duyan Ka ng Magiting: Pagpupugay sa mga Bagong Hirang na Pambansang Alagad ng Sining mula sa UP Diliman

24 Pebrero 2023 (Biyernes) | 3PM
Quezon Hall, UP Diliman

View Photo Album


Ang malikhaing programang ito ay magbibigay-pagkilala sa mga bagong hirang na Pambansang Alagad ng Sining mula sa komunidad ng UP Diliman: Gemino Abad para sa literatura, Fides Cuyugan-Asensio para sa musika, Ricardo Lee para sa pelikula at broadcast arts, Agnes Locsin para sa sayaw, at Antonio Mabesa para sa teatro.

Tampok sa palatuntunang ito ang mga natatanging obra ng mga Pambansang Alagad ng Sining na walang-alinlangang tumatak hindi lamang sa sining, kundi maging at lalo na sa kasaysayan ng bansa. 

Halaw sa titik ng Pambansang Awit ng Pilipinas, ang pamagat na “Duyan Ka ng Magiting” ay nagsusulong sa samu’t saring anyo ng kabayanihan hindi lamang sa pagtataguyod ng kani-kaniyang larangan ng sining ng mga Pambansang Alagad, kundi maging sa pangunguna sa pakikibaka para sa malaya at malikhaing pamamahayag sa bansa. Inaasahan na sa palatuntunang ito, lalong lalakas ang panawagan ukol sa pagtataglay ng tunay na diwa ng pagkamakabayan, sa pamamagitan ng walang-takot na pagsisiwalat sa realidad ng pamumuhay ng sambayanan. Sa gayon, ang sining, maging ang kasaysayan, ay hindi mabibingit sa pagkalipol sa gitna man ng kabi-kabilang pagbabanta sa pagsupil dito sa kasalukuyan.

Tulad noong 2019 kung kailan ang UP Diliman ay nagsagawa ng  programa (Mga Bulwagan ng Dangal) upang parangalan  ang mga hinirang na Pambansang Alagad ng Sining noong 2018,   ang malikhaing programa na “Duyan ka ng Magiting” ay isang pagkakataon na malagom ang ambag ng sining sa pag-unawa sa lipunang Pilipino sa kasalukuyang panahon. Ang programa ay sa direksyon ni Prop. Jose Estrella ng UP Theater Complex.

Poster by Ruth Siringan

Kabilin: Paglulunsad ng UP Diliman Culture Bearers-in-Residence Program

6 Pebrero 2023 (Lunes) | 8AM
Quezon Hall, UP Diliman

View Photo Album

Read article by the UP DIO


Ang salitang kabilin ay galing sa wikang Sebwano na nangangahulugang, ‘pamana.’ Ito ang diwa ng malikhaing programang inihahanda upang pormal na ilunsad ang Programang Pagpapamana ng Katutubong Kaalaman mula sa mga Tagapaghawak ng Kaalamang-Bayan o UP Diliman Culture Bearers-in-Residence Program.

Ang naturang programa ay naglalayong mag-anyaya ng mga Tagapaghawak ng Kaalamang-Bayan upang magsagawa ng mga panayam at palihan na magbibigay-pagkakataon sa mga guro, estudyante, kawani, alumni, at publiko na matuto at maranasan ang iba’t ibang katutubong kaalaman at kasanayan o Indigenous Knowledge Systems and Practices sa Pilipinas. Nilalayon din nitong makapag-ambag sa pagpapataas ng pagpapahalaga sa mga katutubong kaalaman at kasanayan nang sa gayon ay maging puspusan ang pagtataguyod, pagdodokumento, pagpapayaman, at pagpapanatili ng mga ito sa pamamagitan ng pagtatampok at pagsasalin nito sa mga susunod na henerasyon ng mga kapwa-kasamahan sa komunidad, mga mananaliksik at mag-aaral, at mas malawak na madla.

Ang natatanging palatuntunan ay katatampukan ng mga kinikilalang manlilikha at artista, mga tagapaghawak at tagapagtaguyod ng mga kultura sa bansa, at mga kasapi ng mamamayan ng UP Diliman. Magsisilbi itong hugpungan ng mga ideya, karanasan, at gunita upang maipagtagumpay ang programang mula at para sa mga katutubo ng Pilipinas.

Ang programa ay pinagtulungan ng UP Theater Complex, sa pamumuno ni Prop. Jose Estrella,  Dr. Sir Anril Tiatco, Tagapangulo ng Departamento ng Komunikasyong Pasalita at Sining Panteatro,  Dr. Jem Javier, Tagapangulo ng Departamento ng Linggwistika, at Dr. Jose Carlo De Pano, Direktor ng UPD Information Office.  Ang programa ay kaalinsabay ng seremonya ng pagtataas ng watawat at pagbubukas ng ikalawang Semestre ng Akademikong Taon 2022-2023 kung saan balik-campus ang mga estudyante. Gayundin, ang programa ay magsisilbing hudyat ng pagbubukas ng UPD Arts and Culture Festival 2023 at Buwan ng Sining sa UPD.