Sa apat na buwang pagtindig ng instalasyong Urban Forestry Institute Diliman (UFIND) ni Karl Castro, iba’t ibang aktibidad ang naganap dito, kasama ang mga organisadong pagtitipon, pamamahinga, at pagtambay sa mga papag nito. May mga umusbong ding mga bagong karanasan, ugnayan, at maging pagkakakilanlan sa sarili at sa kapaligiran.
Bilang paggunita sa mga kaganapan at karanasan sa UFIND, makibahagi at makinig sa “PLACE and PRESENCE: What we found at UFIND, an artist talk with Karl Castro”. Ito ay gaganapin sa ngayong Miyerkules,16 Hulyo 2025, 3:00-5:00 PM sa CAL AVR (PH1209-1210), Pavilion 1, Palma Hall, UP Diliman.
—
Ang proyektong ito ay bahagi ng Kalikhasan: Outdoor Art Projects on Campus Ecology, sa ilalim ng UP Diliman Arts and Culture Festival 2025 – Kalahok sa Nagbabagong Kalikasan.
