Category Archives: Pages/UPD Culture and Arts Festival

Kaalinsabay ng pagdiriwang ng Pambansang Buwan ng Sining noong Pebrero 2021, ginunita ng Unibersidad ng Pilipinas Diliman ang dalawang mahahalagang engkwentro o pagtatagpo: ang ika-50 taon ng Diliman Commune at ika-500 taon ng Pagtatagpo ng Pilipinas at Espanya. Kaalinsabay rin nito ang ika-500 anibersaryo ng tagumpay ng labanan sa Mactan at ang ika-500 taon ng pagpapakilala ng Kristiyanismo sa bansa. Ang mga pagtatagpong ito ay ginunita sa pamamagitan ng Engkwentro: UP Diliman Arts and Culture Festival 2021 na ginanap sa buwan ng Pebrero hanggang Abril ng taong 2021. 

Isang katangi-tanging pagkakataon na tingnan ang mga kaganapang ito bilang engkwentro o mga pagtatagpo na nagmula sa iba’t ibang sitwasyon ng pakikipag-usap o diyalogo – conversation, negotiation, emotion, silence, etc. Ang paggunita sa dalawang yugto na ito sa kasaysayan ng Pilipinas ay itinuturing na mahalagang batis ng mga pag-aaral at pag-unawa sa sining at kultura ng mga Pilipino. Magkaiba man ang panahon, lunan at konteksto,  itinanghal ng mga engkwentrong ito ang panata, dedikasyon at kolektibong aksyon sa  ngalan ng kalayaan ng bayan. 

MGA INISYATIBA NG IBANG YUNIT AT MAG-AARAL

Itinampok din ang mga inisyatiba ng mga organisasyon ng mag-aaral at ng iba pang mga yunit sa UP Diliman na tumutugon sa mga nabanggit na tema.

Noong taong 2020, kaalinsabay ng komemorasyon ng ika-50 taong anibersaryo ng Sigwa ng Unang Kwarter o First Quarter Storm (FOS), ang Opisina ng Tsanselor, sa pamamagitan ng UP Diliman Opisina ng Pagpapasimuno sa Kultura at mga Sining (UPD- OICA), ay bumuo ng mga gawaing may layunin na maimulat sa kasalukuyang mag-aaral ang kahalagahan ng FQS sa pamamagitan ng iba’t ibang anyong sining. Ang mga gawain rin ay may layuning mapag-usapan ang kontribusyon ng aktibismo sa paglago ng makataong lipunang Filipino at maisakonteksto ang aral ng Sigwa ng Unang Kwarter sa kasalukuyang panahon.

MGA INISYATIBA NG IBANG YUNIT AT MAG-AARAL

Ang iba’t-ibang yunit at mga organisasyon ng estudyante sa UP Diliman ay inimbitahang magsagawa ng mga inisyatibong proyekto sa buwan ng Pebrero at Marso 2020 na tutugma sa tema na Makita kang Sakdal Laya. Ang mga proyekto na ito ay naka-angkla sa mga tema ng FQS tulad ng pakikisangkot sa mga isyu ng lipunan, karapatang pantao, ang rebalwasyon ng sining bilang instrumento ng transpormasyon ng lipunan, ang malawakang pag-unawa sa kasaysayan ng pakikibaka ng mga Pilipino, at iba pa.

In commemoration of the UP Diliman Arts and Culture Month 2019, the Office of the Chancellor, through the UPD Office for Initiatives in Culture and the Arts (OICA), presented various activities to promote the invaluable cultural resources and artistic offerings of the University as we contemplate on its history and our community’s sense of place.

The occasion, titled “UP Diliman Arts arts and Culture Month 2019: Lakad-Gunita sa Lupang  Hinirang” also marked the 70^th year of the University’s  move from its original site in Manila to Diliman. The various activities presented UP as a communal portrait with many stories to tell of local narratives and institutional histories, endowed with many acts of place-making.

In consonance with the Philippine National Arts Month, UP Diliman celebrated the Filipino body as a creative realm and a locus of  scholarly discourse through the UP Diliman Arts and Culture Festival 2018 themed “Kat(h)awan: Bodies, Society, Culture.” 

The three-month festival sought to explore our understanding of the Filipino body – what it is, how it is perceived and shaped by art, culture and society; and manipulated by social engineering and advertising. It opened in February with 12 major events comprised of performances, conferences, installation exhibits and film showings. 

For this year’s festival, the UP Diliman Office for Initiatives in Culture and the Arts collaborated with international academic and cultural institutions, the University of Amsterdam, the Asian Theatre Working Group, the International Federation for Theatre Research and Taiwan Economic and Cultural Office. 

Sa pagdiriwang ng Pambansang Buwan ng Sining noong taong 2017, sinariwa ng UP Diliman sa haraya at isipan ng komunidad ang mga k’wentong bayan na kinalalakipan ng samu’t saring saysay, pukaw at kaalaman.

Ang mga k’wentong bayan ay mga naratibong pasalita na nagpasalin-salin sa maraming henerasyon. Naririnig ang mga ito sa mga pangkomunidad na seremonya at ritwal at sa pang-araw-araw na paghuhuntahan at pagkukwentuhan ng mga mamamayan. Madalas ang mga k’wentong bayan ang nagpapaliwanag ng iba’t ibang aspekto ng tradisyon, mga kalakaran at pati na rin kasaysayan.

Sa libong pulo ng Pilipinas, samu’t saring k’wentong bayan ang maririnig. Nagsisilbi silang mga lente upang lubos na makilala ang samu’t sari ring pangkat na bumubuo sa ating bansa. Ngunit sa kasalukuyan, sa modernong panahon, hindi na ganoon ka-bantog ang mga k’wentong bayan. Sa katunayan, itinuturing sila ng marami bilang mga mapamahiing naratibo at mga maling pagtanaw tungkol sa mga bagay-bagay. Gayunpaman, hindi maikakaila ang ambag ng mga k’wentong bayan sa pagbibigkis ng pagtanaw, kaalaman at kasaysayan ng mga pangkat at lipunan.  

Batis ng maraming kaalaman ang mga k’wentong bayan. Kabilang dito ang mga wastong paraan ng pakikipamuhay at pakikipagkapwa. Nariyan din ang kagila-gilalas na pakikipagsapalaran ng mga bayani sa epiko na pumupukaw sa wari upang pamarisan at kapulutan ng aral. Sa gayon, ang mga k’wentong bayan din ang humuhubog sa mga tradisyon, gawi, kaugalian, ritwal, batas, kaugnayan, panlipunang balangkas, haka ng sakop na teritoryo, sining at iba pa.

Mga k’wentong bayan din ang nagpapaintindi ng kahulugan ng buhay. Tumutunton ang mga epiko sa mundo at panahon kung kailan ang mga bathala at karaniwang tao ay nakikipag-ugnayan sa isa’t isa. Ito ang nagbibigay ng pananalig sa ating mga ninuno na ang lahat ng bagay ay naaayon sa kalooban ng mga bathala. Kaya’t sa panahon ng kagipitan at pagdurusa, naroon ang paniniwala na makahulugan ang pagpapasakit dahil may magandang maibubunga ang mga ito.

Bago pa man pumaibabaw ang agham bilang paraan ng pagsisiyasat, ang mga k’wentong bayan tulad ng mito, alamat at epiko ang nagpaunawa sa atin ng mga bagay sa likas na mundo gayundin ang mga hindi maunawaang pangyayari. Ipinakita nila ang kapalaran lampas ng kamatayan, mga dahilan ng unos at himala at iba pang bagay na hindi maarok ng kaisipan. Gayunpaman, ang pagpapaliwanag na nakapaloob sa mga k’wentong bayan ay nababalot pa rin ng hiwaga at misteryo.

MGA LAYUNIN NG PROYEKTO

Ang mga sumusunod ay ang mga layunin ng proyekto:

• upang magkaroon ng mas malalim na pagunawa sa k’wentong bayan sa iba’t ibang panahon at lunan;
• upang maipakita na ang mga k’wentong bayan ay mga imbakan ng kaalamang bayan;
• upang maiugnay-ugnay ang mga k’wentong bayan sa mga naratibo ng pagkabansa ng Pilipinas; at
• upang maisalin ang mga k’wentong bayan sa iba’t ibang porma ng sining.

Mga Inisyatiba ng Ibang Yunit at Grupo ng mga Mag-aaral